«Выслушаем!»: Казан паркларында һәм скверларында бушлай психологик ярдәм алырга мөмкин

Казан шәһәренең паркларында һәм скверларында «Выслушаем!» проекты башланды. Проект Татарстан Республикасы Яшьләр эшләре министрлыгы ярдәме белән, грант конкурсы кысаларында тормышка ашырыла һәм Казан кунаклары һәм халкы өчен арзан, түләүсез, аноним психологик ярдәмне үстерүгә юнәлдерелгән.

«Без проектны беренче тапкыр узган ел башлап җибәрдек. Реализация нәтиҗәләре буенча уңай бәяләмәләр алдылар. Җәй дәвамында мондый форматта 300гә якын кеше консультация бирергә өлгергән. Мөрәҗәгатьләрнең тематикасы нигездә борчылу, шәхесләр арасындагы мөнәсәбәтләрдә катлаулылыкка кагылган. Быел да шул ук форматта дәвам итәчәкбез. Консультацияләрне тәҗрибәле психологлар үткәрәчәк. Шул исәптән, без волонтерларны – психология факультеты студентларын да җәлеп итәбез, алар остазлары белән бергә практика алсыннар өчен. Проект башланыр алдыннан студентлар өчен практик психологлар катнашында укыту семинары оештырылуын билгеләп үтәм», - дип билгеләп үтте «Ышаныч» балалар һәм яшьләргә психологик-педагогик ярдәм үзәге директоры Елена Овчинникова.

Теләге булган һәркем консультациягә килә һәм психолог белән аны борчыган сораулар турында фикер алыша ала. Алдан язылу кирәк түгел. Күчмә консультацияләр август ахырына кадәр дәвам итәчәк. Психологлар 16дан 19.00 сәгатькә кадәр эшли.

Очрашулар һава торышы шартлары аркасында кичектерелергә мөмкин. Мәйданчыкларның эше буенча актуаль мәгълүматны «Ышаныч» үзәгенең социаль челтәрләрендә күзәтеп була.

Парклар һәм мәйданчыклар исемлеге:

Сосновая роща паркы - воркаут-майданчык янында;

Лядский бакчасы - фонтан янында;

Җиңү паркы - күл янында;

Горький исемендәге Парк-төп аллея ахырында;

Горкинск-Ометьевск урманы - Cube контейнер үзәге янында;