УРАМ Экстрим-паркына ачылганнан бирле 1,5 миллионнан артык кеше килгән

2024 елның 6 июне, пәнҗешәмбе

Ачылу вакытыннан бирле урам экстрим-паркына 1,5 миллионнан артык кеше килгән. Бу хакта ТР Дәүләт Советы утырышында ТР Яшьләр эшләре министры Ринат Садыйков хәбәр итте.

«Урам экстрим-паркы актив үсеш ала. Дүрт ел эчендә аны 1,5 миллионнан артык кеше караган. Бу экстремаль спорт төрләре, заманча сәнгать, медиатворчество һәм башка юнәлешләр белән мавыгучы яшьләрне берләштерүче уникаль объект», - дип ассызыклады министр.

Аның сүзләренчә, әлеге концепциягә шулай ук 25 шундый, әмма масштабта бераз кечерәк объектлар туры килә, алар бу дүрт ел эчендә республиканың муниципаль берәмлекләрендә барлыкка килгән.