Ринат Садыйков Татарстан балалары ял иткән Кара диңгез яр буендагы лагерьларда булды
Ринат Садыйков Кара диңгез яр буендагы лагерьларга сәфәр кылды, биредә Татарстан балалары да ял итә. Ике җәйге айда Краснодар краенда һәм Кырым Республикасында инде 3 565 бала һәм яшүсмер ял итәргә өлгергән. Җәйге сезонда барлыгы 5 354 кеше ял итәчәк.
«Ел саен балаларның ялын оештыруда министрлыкның иң төп бурычы-комплекслы куркынычсызлыкны тәэмин итү. Әйтик, Кырымдагы барлык лагерьлар Куркынычсызлык органнары һәм көч структураларының махсус контролендә. Безнең өчен шулай ук балаларның ял итеп кенә калмыйча, яңа белемнәр, күнекмәләр дә алуы мөһим», — диде Ринат Садыйков.
«Черноморец» республика үзәге директоры Евгений ветров озатуында министр Анападагы «Витязево» һәм «Глобус» лагерьларында ял итүнең ничек оештырылуын карады. Азык-төлек блогы цехлары, медицина пункты, пляждагы коткаручылар постлары, лагерь территориясе белән танышты, шулай ук гадәттән тыш хәл очрагына хәбәр итү системаларының, видеокамераларның һәм махсус хезмәтләр белән элемтәнең эшләвен тикшерде. Шунысын да билгеләп үтәргә кирәк, Татарстанның «Витязево» лагере базасында июль аенда Запорожье өлкәсеннән 30 бала ял иткән иде.
Алуштадагы «Сатера» лагеренда Ринат Садыйков «Созвездие – Йолдызлык» фестиваленең яшь вәкилләре белән очрашты, алар биредә 210 кеше ял итә. Инде өченче ел бу лагерь Бакчасарай шәһәрендә Татарстан егетләре әзерләгән зур концерт репетицияләре өчен урынга әверелә. Ул катнашучыларның яшәү шартлары белән танышты, аларның педагоглары, остазлары һәм вожатыйлары белән аралашты.
ТР Яшьләр министрлыгы карамагындагы «Сәләт – Ак Барс» яшьләр үзәгендә министр ял итүче балалар өчен иртәнге зарядка үткәрде. Соңрак егетләр белән бергә министр иртәнге ашны ашады һәм алар белән формаль булмаган рәвештә аралашты. Бүген биредә 293 кеше ял итә, сезон эчендә Татарстанда меңләп бала һәм яшүсмер ял итәчәк.
Бүгенге көндә Кара диңгездәге лагерьларда өченче һәм дүртенче сменалар уза, анда Татарстаннан 1200 бала һәм яшүсмер ял итә.