Татарстан «Беркем дә онытылмаган» эзләү отрядларының X округ слетында призлы урын алды

2024 елның 8 октябре, сишәмбе

Эзләү отрядларының округ слеты Түбән Новгородта тәмамланды. Ул Идел буе федераль округының барлык 14 төбәгеннән 209 эзләүчене җыйды, алар берничә көн дәвамында эзләү эшчәнлеге белән бәйле конкурс сынауларында катнаштылар. «Беркем дә онытылмаган» Х округ слеты нәтиҗәләре буенча гомумкоманда зачетында 1 урынны Пенза өлкәсе командасы алды.

Слет кысаларында эзләү отрядлары топография өлкәсендәге белемнәрен, архив эзләү һәм беренче ярдәм күрсәтү күнекмәләрен күрсәттеләр. Командалар шулай ук хәрби-тарихи һәм эзләү викториналарында катнаштылар. Түбән Новгород Кремле территориясендә экспозиция оештырылды, анда эзләүчеләр 2024 елгы экспедицияләр кысаларында табылган Бөек Ватан сугышы чоры экспонатларын тәкъдим иттеләр. 2 көн эчендә экспозицияне 1030 Түбән новгородлы карады, шуларның 900е – мәктәп укучылары һәм студентлар.

«Беркем дә онытылмаган» слетын ябу тантанасында Россия Президентының Идел буе федераль округындагы Тулы вәкаләтле вәкиле урынбасары Олег Машковцев, Россия Федерациясе Оборона министрлыгының Ватанны саклаганда һәлак булганнарның истәлеген мәңгеләштерү департаменты референты Игорь Гойхман, «Россиянең эзләнү хәрәкәте» Гомумроссия иҗтимагый хәрәкәте башкарма директоры Сергей Кузьмин, Түбән Новгород өлкәсе яшьләр сәясәте министры урынбасары Лев Скитневский катнашты.

«Бу проектны без инде 10 ел гамәлгә ашырабыз. Мөгаен, бу яшьләрнең гражданлык патриотик позициясен формалаштыруда иң яхшы тәҗрибәләрнең берседер. Боларның Бөек Ватан сугышы сугышчыларын һәм командирларын эзләү белән шөгыльләнүче кешеләр булуын исәпкә алсак, хәзерге вакытта, безнең ил махсус хәрби операция уздырганда, аларның берсендә дә мондый эшнең кирәклегенә шик тумый. Россиянең эзләү хәрәкәтенә төрле яшьтәге 45 меңгә якын кеше керә, шуларның 11 меңнән артыгы Идел буе федераль округыннан. 10 ел эчендә Идел буе федераль округында 446 отряд оештырылган, алар сугыш хәрәкәтләре урыннарына илебезнең төрле төбәкләренә экспедицияләргә чыгалар. Хәзер эзләүчеләр муниципаль берәмлекләрдә һәм мәктәпләрдә махсус хәрби операциядә катнашучыларга багышланган музейлар булдыру белән дә шөгыльләнә. Бу тарихи дөреслекне якларга һәм хәзерге вакытта бара торган тарихны фальсификацияләүгә каршы торырга мөмкинлек бирә, шул исәптән дустанә булмаган илләр белән дә», – диде Олег Машковцев.

Эзләү отрядлары слетында җиңүчеләрнең барысы да Россия Президентының Идел буе федераль округындагы тулы вәкаләтле вәкиле Игорь Комаровның дипломнары һәм кыйммәтле бүләкләр белән бүләкләнде.

2024 елда иң яхшылар дип танылганнар:

«Эзләү хәрәкәтен үстерүгә керткән өлеше өчен» номинациясендә (эзләү хәрәкәтендә күпьеллык яхшы нәтиҗәләре өчен):

• 1 урын –  «Курган» Түбән Новгород өлкәсе яшьләр иҗтимагый эзләнү оешмасы президенты Федор Дроздов;
• 2 урын – «Химик» эзләү отряды җитәкчесе, Татарстан Республикасының «Ватан» берләшмәсе» төбәк иҗтимагый яшьләр оешмасы советы әгъзасы, «Россия эзләү хәрәкәте» Координация советы әгъзасы – Идел буе федераль округындагы вәкил Андрей Мордвинов;
• 3 урын – Самара университетының «Сокол СДАУ» студентлар хәрби-патриотик берләшмәсенең эзләү-тарихи клубы җитәкчесе һәм «Сокол» эзләү отряды командиры Евгений Ривкинд;

«Нәтиҗә» номинациясендә (эзләү экспедицияләре барышында башкарылган эшнең катлаулылыгы һәм сыйфаты):

• 1 урын – «Ватан» берләшмәсе» төбәк иҗтимагый яшьләр оешмасы (Татарстан Республикасы);
• 2 урын – «Россия эзләү хәрәкәте»нең Пенза өлкәсендәге төбәк бүлеге;
• 3 урын – «Курган» Түбән Новгород өлкәсе яшьләр иҗтимагый эзләү оешмасы; 

«Ярдәм» номинациясендә (эзләү экспедицияләренә иң күп чыгуларны оештыру, дәүләт хакимиятенең төбәк органнары тарафыннан эзләү хәрәкәтенә ярдәм итүнең башка төрләре):

• 1 урын – Чуваш Республикасы башлыгының яшьләр сәясәте идарәсе;
• 2 урын – Мордовия Республикасы Яшьләр эшләре буенча дәүләт комитеты;
• 3 урын – Башкортстан Республикасы Мәгариф һәм фән министрлыгы;

«Массакүләм коммуникацияләр чаралары» номинациясендә (номинация кысаларында массакүләм коммуникацияләр чаралары белән эшләү турындагы мәгълүмат бәяләнде):

• 1 урын – «Ватан» берләшмәсе» төбәк иҗтимагый яшьләр оешмасы (Татарстан Республикасы);
• 2 урын – «Россия эзләү хәрәкәте»нең Пенза өлкәсендәге төбәк бүлеге;
• 3 урын – «Курган» Түбән Новгород өлкәсе яшьләр иҗтимагый эзләү оешмасы;

«Инновация»  номинациясендә (номинация кысаларында катнашучыларга яңа методик эшләнмәләрне, стандарт булмаган чараларны, проектларны куллану эше турында мәгълүмат бирергә кирәк иде):

• 1 урын – «Светоч» эзләү отряды (Түбән Новгород өлкәсе);
• 2 урын – «Драконы морей» хәрби-тарихи клубы (Чувашия Республикасы);
• 3 урын – «Ватан» берләшмәсе» төбәк иҗтимагый яшьләр оешмасы (Татарстан Республикасы);

«Остаз» номинациясендә (мәктәп укучылары һәм студентлар белән эшләү күләме һәм сыйфаты):

• 1 урын – «Ватан» берләшмәсе» төбәк иҗтимагый яшьләр оешмасы советы әгъзасы (Татарстан Республикасы) Андрей Чугуров;
• 2 урын – Пермь краенда Ватанны саклаганда һәлак булганнар истәлеген мәңгеләштерү буенча гомумроссия иҗтимагый хәрәкәтенең төбәк бүлеге әгъзасы Наталья Кузнецова;
• 3 урын – Чебоксар шәһәренең 59 нчы урта гомуми белем бирү мәктәбенең «Феникс» эзләү отряды җитәкчесе Анна Володина.

«Тәрбияләнүче» номинациясендә 14-20 яшь һәм 21-30 яшь категориясендә Идел буе федераль округының барлык 14 төбәгеннән эзләү отрядларыннан берәр иң яхшы көрәшче бүләкләнде.