ЯҢАЛЫКЛАР

«ЯR-Арт» заманча сәнгать фестивале «Шатлык» арт-резиденциясендә — «Таврида.АРТ» арт-резиденцияләре федераль челтәренең иҗади киңлегендә эшен төгәлләде. Вакыйга «ЯR-Арт» Заманча сәнгать лабораториясе» проектының финал ноктасы булды һәм бер мәйданчыкта яшь авторларны, тамашачыларны һәм шәһәрнең мәдәният өлкәсе вәкилләрен җыйды. Проект Россия Яшьләре конкурсы ярдәмендә «Яшьләр һәм балалар» милли проекты кысаларында гамәлгә ашырылды.

«Идел» Яшьләр үзәгендә инвалидлар өчен «Омтылыш: карьера турында» проект сессиясе старт алды. Смена яшьләрнең карьера үсешенә юнәлдерелгән һәм 17-19 сентябрьдә узачак. Проект Татарстан Республикасы Яшьләр эшләре министрлыгы тарафыннан Татарстан Республикасы Хөкүмәте ярдәмендә гамәлгә ашырыла.

Казанда «XXI гасыр лидеры» Бөтенроссия балалар һәм яшьләр иҗтимагый берләшмәләре лидерлары һәм җитәкчеләре конкурсының финалы узачак. Ул балалар һәм яшьләр иҗтимагый хәрәкәтләрен үстерүгә, иҗтимагый оешмалар өчен кадрлар әзерләүгә, шулай ук Россия Федерациясендә яшьләрнең һөнәри үзбилгеләнү системасын үстерүгә юнәлдерелгән.

Яшьләр өчен проектларны гамәлгә ашыручы балалар һәм яшьләр иҗтимагый берләшмәләре, Татарстанның социаль юнәлешле коммерцияле булмаган оешмалары Татарстан Республикасы Яшьләр эшләре министрлыгы грантлары конкурсында катнаша ала. Грант конкурсына гаризаны коммерцияле булмаган оешмалар 10 октябрьгә кадәр бирә ала. Сайлап алу «Электрон бюджет» иҗтимагый финанслар белән идарә итүнең дәүләт интеграцияләнгән мәгълүмат системасында гамәлгә ашырыла  (https://promote.budget.gov.ru/).

«Созвездие – Йолдызлык» театры яңа сезонны 18 сентябрьдә «Аршин мал алан» музыкаль комедиясе белән ачып җибәрәчәк. 1913 елда Әзербайҗан композиторы Узеир Гаджибеков тарафыннан язылган әлеге музыкаль комедия инде 100 елдан артык Россия һәм дөнья театрлары сәхнәләреннән төшми.

Татарстанда җәмәгатьчелекне, экспертларны һәм халыкны җәлеп итеп, 2026 елга башкарма хакимият органнарының максатларын һәм бурычларын ачык формалаштыру проекты дәвам итә. Анда алты министрлык катнаша: Сәламәтлек саклау, Мәдәният, Мәгариф һәм фән, Яшьләр эшләре, Спорт, Хезмәт һәм социаль яклау министрлыгы.

Татарстан делегациясе Түбән Новгородка Бөтендөнья яшьләр фестивале слетына юнәлде. Мәйданчыкка 120 илдән 2000 катнашучы җыелачак – Россиянең барлык төбәкләреннән 1000 катнашучы һәм шул кадәр үк башка илләрдән.

14 һөнәри белем бирү оешмасыннан 75 кешедән торган Татарстан делегациясе Ставропольгә юл тотты, анда 15-23 сентябрьдә һөнәри белем бирү оешмаларының «Россия Студентлар язы» Бөтенроссия фестивале узачак. Фестиваль «Яшьләр һәм балалар» милли проекты кысаларында уза.

2025 елның 14 сентябрендә Бердәм тавыш бирү көне кысаларында Татарстан Республикасында беренче тапкыр «Сайлау участогында волонтерлар» проекты гамәлгә ашырылды. Аның максаты – өлкән яшьтәге, хәрәкәтләнү авыр булган гражданнар һәм инвалид сайлаучылар өчен тавыш бирүдә катнашу өчен өстәмә уңайлы шартлар тудыру. Татарстан проектны гамәлгә ашыру буенча 20 сынау төбәге исемлегенә керде.

Татарстанда республиканың югары уку йортлары һәм махсус урта уку йортлары арасында «Студентлар чисталык кубогы» экология чемпионатына гариза бирү кампаниясе башланды. Барлык теләүче студентлар да катнаша ала, ә турнирның гомуми приз фонды 350 000 сумнан артык тәшкил итәчәк. Җиңү өчен төп приз — 16 iPhone.