ЯҢАЛЫКЛАР
Программада катнашучылар өчен кызыклы һәм мәгълүмати лекцияләр, татар теле һәм тарихы дәресләре, кичке чаралар каралган.
«ПрофилАрт» Республика театраль куелышлар конкурсының гариза кампаниясе башланды, аның кысаларында бөтен республикадан иҗат коллективлары социаль әһәмияткә ия темаларга бирелгән сценарий буенча театраль куелышлар ярышында катнаша алачак. Төп бүләк – Габдулла Кариев исемендәге Казан Татар дәүләт яшь тамашачы театрының зур сәхнәсендә чыгыш ясау һәм коллективның һөнәри үсешенә 20 мең сум акча булачак.
Куркынычсызлык һәм тәнкыйди фикерләүне үстерү өлкәсендәге төп яшьләр вакыйгасына – яшьләр арасында радикализмны, экстремизмны һәм террорчылык идеологиясен профилактикалау буенча «Конструктив» Идел буе форумына теркәлү башланды. Форум 25-29 сентябрьдә Казанда узачак һәм Идел буе федераль округының 14 төбәгеннән вәкилләрне берләштерәчәк.
30 августта «УРАМ» экстрим-паркында җиденче тапкыр «УРАМ» урам мәдәниятләре фестивале узачак. Чара бер мәйданчыкта экстремаль спорт төрләре, заманча иҗат һәм урам сәнгате вәкилләрен берләштерәчәк.
«Яшьләр һәм балалар» милли проекты кысаларында Россиянең «Знание» җәмгыяте 1 сентябрьдән 30 сентябрьгә кадәр «Үз белемең белән уртаклаш» Бөтенроссия акциясен үткәрәчәк. Мәктәпләр, көллиятләр, техникумнар, югары уку йортлары һәм башка белем бирү оешмалары базасында мәгърифәтчелек дәресләре һәм мастер-класслар узачак, ә илнең күренекле эшлеклеләре фән, экология, медиа, технологияләр, сәнгать һәм спорт буенча белемнәре белән уртаклашачак.
17-19 август көннәрендә Татарстан башкаласы өченче мәртәбә БРИКС һәм ШОС яшь лидерлар премиясен кабул итте – ул талантлы яшьләрне ачыклауга һәм яшь лидерларның социаль әһәмияткә ия өлкәләрне үстерүгә керткән өлешләрен тануга юнәлдерелгән халыкара конкурс.
Татарстан делегациясе составында 11 кеше 20-26 август көннәрендә Кытай Халык Республикасының үзәк буйсынудагы Чунцин шәһәрендә узачак «Волга -Янцзы» X Россия-Кытай яшьләр форумына юл тотты. Чарада студент яшьләрнең 300 вәкиле катнашыр дип көтелә: Россия һәм Кытай ягыннан 150шәр кеше, шул исәптән Татарстаннан.
19 августта Әлмәттә физик һәм психологик сәламәтлек буенча «ӘЙТ» белем бирү сессиясе узды. Анда Әлмәт районы кешеләре дә, аның тирәсендәгеләр дә чакырылган иде. Чарага барлыгы 350дән артык кеше килде.
15 октябрьдән 20 октябрьгә кадәр Хабаровскида ел саен Россиядә 19 октябрьдә билгеләп үтелә торган Әтиләр көненә багышланган «Чын әтиләр» Бөтенроссия яшь әтиләр форумы узачак.
19 августта Идел буе дәүләт физик культура, спорт һәм туризм университеты территориясендә «Яшьләр һәм шәһәр мохите» II Бөтенроссия яшьләр форумын ачу тантанасы булды.