ЯҢАЛЫКЛАР
11 сентябрьдән 17 сентябрьгә кадәр Екатеринбургта дөньяның 190 иленнән 10 мең яшь лидерны, экспертларны һәм активистларны җыя торган елның иң зур Халыкара яшьләр вакыйгасы – Халыкара яшьләр фестивале узачак. Татарстан Республикасы делегациясе гадәттәгечә 189 кешедән торачак.
Татарстанның нефть башкаласы Әлмәт шәһәрендә ел саен үткәрелә торган «Созвездие – Йолдызлык» XXVI ачык республика телевизион яшьләр эстрада сәнгате фестиваленең беренче зона этабы тәмамланды. Жюри әгъзалары «Хореография», «Вокал», «Конферанс» номинацияләрендә 350 гә якын номер карадылар.
Татарстанда «СценАрт» республика сценаристлар конкурсының өченче сезонының гариза кампаниясе башланды, ул 30 мартка кадәр дәвам итәчәк. Сайлап алу йомгаклары буенча катнашучылар «Идел» яшьләр үзәгендә экспертлар белән өч көнлек көндезге укулар узачаклар, анда сценарий осталыгы нигезләрен үзләштерәчәкләр һәм яшьләр арасында деструктив күренешләрне профилактикалау мәсьәләләрен өйрәнәчәкләр.
Татарстан Республикасында аппарат җитәкчесенең яшьләр ярдәмчесе вазифасына конкурста катнашуга гаризалар кабул ителә башлады. Сайлап алуны уңышлы узган катнашучылар киберкуркынычсызлык, мәгълүмати грамоталылык һәм деструктив күренешләрне профилактикалау өлкәсендә компетенцияләрне үстерүгә юнәлдерелгән белем бирү программасында катнашачаклар.
Әлмәт шәһәрендә ел саен үткәрелә торган «Созвездие – Йолдызлык» эстрада сәнгатенең XXVI ачык республика телевизион яшьләр фестиваленең беренче зона этабы башланды. Хәрби һәм хезмәт батырлыгы елында барлык фестиваль чараларының төп темасы Ватанны саклаучылар батырлыгы булачак.
Татарстан Республикасы Яшьләр эшләре министрлыгы матбугат хезмәте хәбәр иткәнчә, «иВолга» яшьләр форумының гариза кампаниясе башланды. 2026 елда «иВолга» яңадан бөтен илдән актив яшьләрне берләштерәчәк. Форум 24 июльдән 31 июльгә кадәр Самара өлкәсенең Мастрюков аланында узачак һәм Россиянең төрле төбәкләреннән 1500ләп катнашучыны җыячак.
16 яшьтән 35 яшькә кадәрге яшьләр программада катнашу өчен 18 мартка кадәр rezervrt.ru сайтында гариза бирә ала
Бүген «Сәләтле җәй-2026» җәйге кампаниясе башлануга һәм сәләтле балаларга һәм талантлы яшьләргә ярдәм итү өлкәсендә ел саен үткәрелә торган «Сәмрух» ХІ республика премиясен тапшыру тантанасына багышланган матбугат конференциясе узды.
24 февральдә Татарстан Республикасы Иҗтимагый палатасында Татарстан Республикасы Яшьләр эшләре министрлыгының 2025 елга куелган максатларын һәм бурычларын гамәлгә ашыруга йомгак ясауга багышланган иҗтимагый тыңлаулар узды.
Татарстанда Хәрби һәм хезмәт батырлыгы елында Бөек Ватан сугышы ветераннарына, мазсус хәрби операциядә катнашучыларга һәм аларның гаиләләренә системалы ярдәм күрсәтүне дәвам итәләр – айлык түләүләрдән һәм субсидияләрдән алып грантларга, тернәкләндерү һәм эшкә урнаштыру программаларына кадәр. Республикада нинди программалар гамәлдә булуын Татарстан Республикасы Министрлар Кабинетында узган брифингта сөйләделәр.