ЯҢАЛЫКЛАР
Дөньяда беренче булып «Җиңү поезды» иммерсив күчмә күргәзмәсе Татарстан Республикасына киләчәк. Яшел Үзән шәһәре халкы һәм кунаклары Бөек Ватан сугышы вакыйгалары турындагы уникаль күргәзмәне 15 февральдә күрә алачак, аннары 16-18 февральдә иммерсив экспозиция төбәк башкаласы – хезмәт батырлыгы шәһәре Казанга юнәләчәк.
Татарстанда «Кадрлар резервы» Республика проектының 16 нчы сезонына гаризалар кабул итү башланды. Әлеге программа актив үсәргә, әһәмиятле инициативалар булдырырга һәм гамәлгә ашырырга, фикердәшләр табарга, эре яшьләр проектларының бер өлеше булырга теләүче яшьләр өчен.
«Созвездие-Йолдызлык» театры Ватанны саклаучылар һәм Җиңүнең 80 еллыгы уңаеннан республика халкы өчен «Җиңү юллары» музыкаль-шигъри спектаклен тәкъдим итте.
Ватанны саклаучылар елында «Патриот» республика үзәгендә Татарстан Республикасы Яшьләр эшләре министрлыгы ярдәмендә куркынычсызлык һәм иминлек нигезләре буенча атна саен уздырыла торган гамәли дәресләр башланды. Алар һәр якшәмбе 10 дан 14 сәгатькә кадәр уза һәм 10 яшьтән 50 яшьтәгеләргә кадәрге диапазонга юнәлдерелгән.
Казан Кремлендә Татарстан халыклары Яшьләр ассамблеясенең чираттан тыш конференциясе узды. Чараның төп көн тәртибе – оешма рәисен сайлау һәм Татарстан Республикасы Яшьләр ассамблеясе советы составын сайлау.
Татарстан Республикасы Иҗтимагый палатасы тарафыннан 2024 елда Татарстан Республикасы Яшьләр эшләре министрлыгының халык алдында формалаштырылган максатларын һәм бурычларын гамәлгә ашыру нәтиҗәләре буенча иҗтимагый фикер алышуларга старт бирелде.
Казанда «21 мәктәп» биш еллык юбилеен билгеләп үтә. Бу вакыт эчендә Сбердан цифрлы технологияләр мәктәбенә кирәкле ИТ - һөнәр алуга 115 меңгә якын гариза бирелгән.
29 гыйнвардан 5 февральгә кадәр «Идел буе федераль округының медицина десанты» ирекле акциясе кысаларында Татарстан, Башкортостан, Чувашия, Киров, Оренбург, Пенза һәм Самара өлкәләре, Пермь крае – Россиянең 8 төбәгеннән 30 студент отряды Татарстанда яшәүчеләргә ярдәм күрсәтте. 8 көн эшләү дәверендә Яшьләр Түбән Кама һәм Азнакай муниципаль районнарында яшәүче 1200дән артык кешегә ярдәм күрсәтте.
Татарстанда традицион «Созвездие-Йолдызлык» мастер-класслары старт алды. Ел саен зона турлары башланганчы фестиваль жюри әгъзалары проектта катнашучылар һәм педагоглар белән очрашулар уздыру өчен районнарга чыгалар.
2 февральдә «Зарница 2.0» Бөтенроссия хәрби-патриотик уены старт алды.