ЯҢАЛЫКЛАР

Яшел Үзән районының Осиново авылында «Теплица» исеме астында яңа яшьләр пространствосы – психологик-педагогик ярдәм үзәге ачу планлаштырыла. Эшләр Татарстан Республикасы психологик-педагогик ярдәм үзәкләренең биналарын (урыннарын) капиталь ремонтлау программасы кысаларында алып барыла, объектның мәйданы 1200 кв. Проект Осиново авылы яшьләренә юнәлдерелгән, аларның саны 5,7 мең кеше тәшкил итә.

27 июльдән 30 июльгә кадәр Ханты-Мансийскида «Добрино» Гражданлык җәмгыятен үстерү академиясе мәйданчыкларында Россия Яшьләре платформасының «Арктика. Боз кузгалды» Бөтенроссия яшьләр экология форум-фестивале узды. Бу вакыйга Россиянең барлык төбәкләреннән 500дән артык экологик волонтер, 14 яшьтән 35 яшькә кадәрге эксперт һәм тикшеренүчеләрне берләштерде, шул исәптән Татарстаннан биш кешене.

Кара диңгездә балаларның ялын оештыруда профильле һәм тематик программаларны гамәлгә ашыруга зур игътибар бирелә. Һәр сменаның уникаль белем бирү-күңел ачу концепциясе бар, бу балаларга ял итәргә генә түгел, ә яңа күнекмәләр алырга да мөмкинлек бирә. Һәр сменада Ватанны саклаучылар елына һәм Бөек Ватан сугышында Җиңүнең 80 еллыгына багышланган чаралар, төрле мастер-класслар, квестлар, спорт һәм иҗат чаралары үткәрелә, шул рәвешле «Яшьләр һәм балалар» милли проекты бурычларына туры килә.

Алтынчы сезонның барлык конкурс этапларының бердәм темасы – «От мечты к свершениям». Дистанцион этаплар кысаларында яшьләрнең быел үзләренең иң кадерле хыяллары турында сөйләү, ә инде икенче этапта команда белән бергә аны тормышка ашыруга беренче адым ясау мөмкинлеге барлыкка килде. Россия Президенты Владимир Путин игълан иткән Ватанны саклаучылар елында һәм Бөек Ватан сугышында Җиңүнең 80 еллыгы елында аерым яңа биремнәр «Буыннар хәтере» темасына багышланды.

Рәссам-граффитист Александр Попов «ФормАрт» стрит-арт фестиваленең сайлап алу этабы финалисты булды. «ФормАРТ» урам сәнгате фестивале округта 2020 елдан Россия Федерациясе Президентының Идел буе федераль округындагы тулы вәкаләтле вәкиле Игорь Комаров инициативасы белән урам сәнгатен үстерү, яшь рәссамнарның иҗатына ярдәм итү һәм аларны уңайлы заманча шәһәр мохите булдыруга җәлеп итү, торак пунктларны төзекләндерү һәм сәнгати бизәү максатларында үткәрелә, шул рәвешле «Яшьләр һәм балалар» милли проекты максатларына туры килә.

8 августтан 26 августка кадәр Татарстанның алты муниципаль берәмлегендә физик һәм психологик сәламәтлек буенча «ӘЙТ» белем бирү сессияләре узачак. Программага җирле халык та, якын-тирә районнардан да килә алачаклар, алар өчен трансфер оештырылачак. Чарага түбәндәге сайтта теркәлергә була: эйтконференция.рф. 

Самара өлкәсенең Мастрюков аланында Россия Президентының Идел буе федераль округындагы тулы вәкаләтле вәкиле Игорь Комаров патронажы астында уза торган «иВолга» Идел буе федераль округы Яшьләр форумын ябу тантанасы булды.

Татарстан делегациясе Кырымга «Таврида. АРТ» яшь сәнгать фестиваленә юнәлде. Алар арасында иҗади яшьләр вәкилләре, активистлар, проект җитәкчеләре һәм арт-эшлеклеләр бар.

Севастопольдәге Офицерлар йортында Хәрби-диңгез флоты көненә багышланган «Созвездие - Йолдызлык» хәрәкәтенең концерты булды. Фестиваль лауреатлары 25 номер тәкъдим итте.

Бакчасарайда «Созвездие-Йолдызлык» фестиваленең зур концерты ике сәгатьтән артык барды. Татарстанның 19 муниципаль районыннан 210 бала – фестиваль хәрәкәте лауреатлары һәм җиңүчеләре 30лап концерт номеры күрсәттеләр. Концерт кырым татарларының балалар коллективлары белән берлектә узды.